Ko‘plab o‘zbekistonliklar bank kartalarida pul saqlashni yoqtirmaydi, chunki ular kredit to‘lovlari uchun hisobdan yechib olinishidan qo‘rqishadi. 15 apreldan boshlab yangi qoida kuchga kirdi: avtomatik hisobdan yechishdan so‘ng Uzcard kartasida kamida 3 BRV (1,236 mln so‘m) miqdorida kamaytirilmaydigan qoldiq qolishi kerak.

To‘lov tizimi Uzcard bank kartalaridan avtomatik (akseptsiz) hisobdan yechishda minimal kamaytirilmaydigan qoldiqni joriy qildi. 2025-yil 15-apreldan boshlab, kartadan kreditlar, bo‘lib to‘lovlar va boshqa majburiyatlar uchun avtomatik hisobdan yechishda balans nolga tushirilmaydi. Hisobda kamida 3 BRV (1 million 236 ming so‘m) qolishi kerak. Avtomatik hisobdan yechish faqat ushbu chegaradan yuqori bo‘lgan summadan amalga oshiriladi.

Biroq, agar mijozning o‘zi karta rekvizitlarini taqdim etgan va to‘lovni bir martalik kod (OTP) bilan tasdiqlagan bo‘lsa, qoida amal qilmaydi. Bunday hollarda mablag‘lar to‘liq hisobdan yechilishi mumkin.

“Bank va mijoz” telegram-kanali ma’lumotlariga ko‘ra, Humo to‘lov tizimida ham shunday tartib joriy etilishi kutilmoqda. 1 apreldan boshlab O‘zbekistonda yoqilg‘i va alkogolni naqd pulga sotish taqiqlangan. Kun.uzning Farg‘onadagi reportajida ko‘plab odamlar aynan kredit to‘lovlari uchun hisobdan yechilish qo‘rquvi tufayli kartalarda pul saqlamasligi ma’lum bo‘ldi.

Source: kun.uz