Toshkent, Podrobno.uz. Toshkent hokimiyati Amir Temur xiyoboni atrofida transport harakati sxemasini o‘zgartirishni ma’lum qildi. Yangi loyiha poytaxt markazida tirbandliklarni kamaytirish va piyodalar xavfsizligini ta’minlashga qaratilgan.

Asosiy o‘zgarishlardan biri “Brovey” sayr zonasidan Xiyobonga o‘tish joyidagi temir to‘siqlarni olib tashlash bo‘ladi. Ular o‘rniga piyodalar uchun “aqlli” svetofor o‘rnatiladi. Mahkumquli va Amir Temur ko‘chalari kesishmasida xavfsizlik orollari tashkil etilib, qo‘shimcha tartibga soluvchi svetoforlar joriy etiladi.

Turizmni rivojlantirish maqsadida Temuriylar tarixi davlat muzeyi va “O‘zbekiston” mehmonxonasi yonida turistik avtobuslar uchun maxsus to‘xtash joylari yaratiladi. Mutaxassislarning hisob-kitoblariga ko‘ra, yangi sxema xiyobon atrofidagi halqa yo‘lining o‘tkazuvchanlik qobiliyatini soatiga 5600 tadan 6000 tagacha oshirish imkonini beradi.

Source: podrobno.uz