Real Madrid hujumchisi Kilian Mbappeni jamoadan chetlashtirishni talab qiluvchi onlayn petitsiya dastlabki 200 ming imzo maqsadidan oshib, 33 million imzoga yetdi. Bu Fransiya aholisining deyarli yarmiga teng.

“Mbappe Out” deb nomlangan petitsiya sahifasida “Madridistalar, ovozingizni eshittiring. Agar o‘zgarish kerak deb hisoblasangiz, jim turmang – imzo cheking va klub kelajagi uchun eng yaxshi deb hisoblagan narsangizni himoya qiling” degan shior mavjud.

Muxlislarning noroziligi Mbappening son jarohati tufayli dam olish vaqtida Italiyadagi yaxtada aktrisa Ester Exposito bilan dam olgani haqidagi suratlar sabab bo‘ldi. Ushbu dam olish uning El Klassikoda ishtirok etishiga shubha uyg‘otgan.

Bosh murabbiy Alvaro Arbeloa matbuot anjumanida bu bahslarni chetlab o‘tib: “Jarohatlangan futbolchilar bilan bog‘liq barcha rejalar tibbiy xodimlar tomonidan nazorat qilinadi. Mbappe bo‘sh vaqtida xohlagan ishini qilishi mumkin, xuddi boshqa futbolchilar kabi”, dedi.

Petitsiya sayti imzo chekish uchun elektron pochta yoki shaxsiy ma’lumotlarni talab qilmagani sababli, barcha 33 million imzo haqiqiy muxlislarga tegishli ekanligini aniqlash mumkin emas. Bu petitsiyalar asosan ramziy xususiyatga ega.

Mbappe 2029-yilgacha Madrid bilan shartnoma imzolagan va jarohatidan so‘ng mashg‘ulotlarga qaytgan. U 2026 yilgi Jahon chempionatida Fransiya terma jamoasi safida maydonga tushishi kutilmoqda.

Source: www.aljazeera.com