O‘zbekiston prezidenti huzurida 5-may kuni bo‘lib o‘tgan yig‘ilishda umumiy ovqatlanish, alkogol va tamaki mahsulotlari, shuningdek, yonilg‘i savdosi sohalarida fiskal cheklar bo‘yicha keshbekni tezkor to‘lash imkoniyatlarini yaratish rejalashtirilmoqda.

Ushbu chora bir qator tovar va xizmatlar bo‘yicha hisob-kitoblar naqd pulsiz shaklga o‘tayotgani sababli taklif etilgan. 1-apreldan boshlab avtomobil yonilg‘isi, elektr transportini zaryadlash, alkogol va tamaki sotib olish faqat naqd pulsiz shaklda amalga oshirilishi mumkin.

Yig‘ilishda, shuningdek, cheklar berilmagani to‘g‘risida xabardor qilish tizimini suiiste’mol qilishning oldini olish taklif etildi.

Fiskal cheklar bo‘yicha keshbek tizimi O‘zbekistonda Soliq ilovasi orqali ishlaydi va xarid summasining 1 foizini qaytarishni nazarda tutadi. Hozirda keshbekni hisoblash odatda chek ro‘yxatga olingan oydan keyingi oyning 25-kunidan so‘ng, soliq hisoboti ma’lumotlari tekshirilgach amalga oshiriladi.

Soliq qo‘mitasi ma’lumotlariga ko‘ra, 2025-yilda iste’molchilarga qariyb 1,51 trillion so‘m keshbek to‘langan, bu 2024-yilga nisbatan qariyb 50 foizga ko‘pdir.

Source: www.gazeta.uz