️ AQSh prezidenti Donald Tramp Ispaniya bilan savdo aloqalarini to‘liq to‘xtatish niyatini bildirdi. Bu qaror Madridning Ironga qarshi hujumlar uchun harbiy bazalaridan foydalanishga ruxsat bermasligi va mudofaa xarajatlarini YaIMning 5 foizigacha oshirishni qo‘llab-quvvatlamasligi sababli... qabul qilingan. Tramp bu haqda Germaniya kansleri Fridrix Merts bilan Oq uyda bo‘lib o‘tgan uchrashuvda ma’lum qildi.
️ Amerikalik rahbar: “Ular ajoyib odamlarga ega, lekin ularda ajoyib rahbarlik yo‘q. Va siz bilasizki, ular NATOda 5 foizgacha oshirishga rozi bo‘lmagan yagona mamlakat edi. Ular hamma narsani 2 foizda qoldirmoqchi edilar va ular bu 2 foizni ham to‘lamaydilar, shuning uchun biz Ispaniya bilan barcha savdoni to‘xtatmoqchimiz”, deb da’vo qildi.
️ Tramp shuningdek, AQSh istasa, Madridning roziligisiz ham Ispaniya bazalaridan foydalanishi mumkinligini ta’kidladi.
️ Germaniya kansleri Fridrix Merts o‘z navbatida, Berlin va Vashingtonning Eronda hokimiyat almashinuvi masalasida bir xil pozitsiyani qo‘llab-quvvatlashini aytdi. U: “Biz Ispaniyani mudofaa xarajatlarining 5 foizlik maqsadini qo‘llab-quvvatlashga ishontirishga harakat qilyapmiz. Eron rejimi qulagandan keyin strategiyani ko‘rib chiqishimiz kerak. Bu Yevropa va Isroil uchun juda muhim”, deb ta’kidladi.
️ Ispaniya va AQSh mamlakatning janubidagi Moron va Rota harbiy bazalarini birgalikda ishlatadi. Ilgari Ispaniya hokimiyati bu ob’ektlarning Ironga qarshi hujumlar uchun ishlatilmasligini aytgan edi. Shundan so‘ng amerika aviatsiyasi Germaniyaga ko‘chirildi.
️ Trampning bayonotlariga javoban Ispaniya hokimiyatlari Vashingtondan xalqaro huquq va Yevropa Ittifoqi bilan savdo shartnomalariga rioya qilishni so‘radi. Madrid mumkin bo‘lgan iqtisodiy oqibatlarga tayyor ekanligini va AQSh tomonidan mumkin bo‘lgan savdo embargosidan potentsial zararni yumshatish uchun resurslarga ega ekanligini ta’kidladi.
