Xitoy avtomobil ishlab chiqaruvchisi CHERY o'zining flagman krossoveri TIGGO 9 uchun ommaviy xavfsizlik sinovini o'tkazishni rejalashtirmoqda. Tadbir 2026 yil aprel oyida Pekin avtosalon va CHERY xalqaro biznes sammiti doirasida Uxu shahrida (Anxoy provinsiyasi) bo'lib o'tadi. Sinovda uchta avtomobil ishtirok etadi: markazdagi TIGGO 9 old tomondan 50 km/soat tezlikda, orqa tomondan esa 40 km/soat tezlikda zarba oladi.

Ushbu sinov real yo'l sharoitlariga yaqin bo'lgan zanjirli to'qnashuvni simulyatsiya qiladi. Ekspertlar kuzovning strukturaviy yaxlitligi, xavfsizlik kapsulasi (A, B, C, D ustunlarining deformatsiyasi), xavfsizlik kamarlari va yostiqlarining ishlashi, shuningdek, avariyadan keyingi himoya tizimlarini (eshiklarni avtomatik ochish, avariya signali, yonilg'i tizimining germetikligi) baholaydi.

CHERY kompaniyasi ushbu sinovni “For Family” falsafasining amaliy isboti sifatida taqdim etadi. TIGGO 9 global oilaviy SUV sifatida xavfsizlikning eng yuqori standartlariga javob berishi kerak. Ochiq sinov avtomobil ishlab chiqaruvchining shaffofligini namoyish etadi va iste'molchilarga ishonch beradi.

TIGGO 9 ning O'zbekiston bozoriga rasmiy chiqishi ham rejalashtirilgan. Hozirda CHERY avtomobillarining xususiyatlari va narxlari bilan cheryauto.uz saytida tanishish mumkin. Rasmiy distribyutor ADM kompaniyalar guruhidir.

Source: kun.uz