Ijtimoiy tarmoqlarda Toshkentdagi “Qodirsha” bozori buzilishi haqida xabarlar tarqaldi. Videolarda sabzavot sektoridagi konstruksiyalarning demontaj qilinayotgani aks etgan.

Yashnobod tumani hokimiyati bozor tugatilmayotganini, balki hududda tartib o‘rnatilayotganini ma’lum qildi. Unga ko‘ra, bozorga tutash maydonda ruxsatsiz savdo nuqtalari demontaj qilinmoqda.

Ayrim fuqarolar meva-sabzavotlarni tegishli ruxsatnomasiz va sanitariya talablarini buzgan holda sotgan. Hokimiyat bu holatni bartaraf etish uchun choralar ko‘rayotganini ta’kidladi.

Noqonuniy savdo nuqtalari egalariga rasmiy joylarda faoliyat yuritish va hujjatlarni tartibga solish taklif qilinmoqda. Hokimiyat bozor to‘liq saqlanib qolishini va faqat tartibsizliklarga barham berilishini qat’iy bildirdi.

Source: podrobno.uz