O‘zbekiston Prezidenti Shavkat Mirziyoyev Moskvaga ishchi tashrif bilan yo‘l oldi. Tashrif dasturiga ko‘ra, davlat rahbari Ikkinchi jahon urushidagi G‘alabaning 81 yilligiga bag‘ishlangan tantanali tadbirlarda ishtirok etadi.

Prezident matbuot xizmati xabariga ko‘ra, tashrifning asosiy maqsadi – Ikkinchi jahon urushidagi G‘alaba munosabati bilan o‘tkaziladigan marosimlarda qatnashishdir.

Eslatib o‘tamiz, 8 may kuni Shavkat Mirziyoyev Toshkentdagi G‘alaba bog‘iga tashrif buyurib, Xotira va qadrlash kuniga bag‘ishlangan tantanali marosimda ishtirok etgan edi. Prezident “Matonat madhiyasi” yodgorligiga gulchambar qo‘yib, halok bo‘lgan qahramonlar xotirasini hurmat bilan yod etdi.

Source: podrobno.uz