FIFA Jahon chempionati-2026 Shimoliy Amerikada boshlanishiga besh haftadan kam vaqt qoldi. Futbol muxlislari 48 ta ishtirokchi davlatning yakuniy tarkiblari e'lon qilinishini intiqlik bilan kutmoqda.

AQSh, Kanada va Meksika birgalikda mezbonlik qiladigan turnir 11-iyun kuni Mexiko shahridagi Estadio Azteca stadionida Janubiy Afrika Respublikasiga qarshi o'yin bilan ochiladi.

Milliy terma jamoalar 11-maygacha dastlabki ro'yxatni taqdim etishlari kerak. Ro'yxatda kamida 35 nafar va ko'pi bilan 55 nafar futbolchi, shu jumladan to'rt nafar darvozabon bo'lishi shart.

Jarohatlar tufayli bir qancha futbolchilar turnirda ishtirok eta olmaydi. Jumladan, braziliyalik Rodrigo va Eder Militao, Misrlik Muhammad Saloh va ispaniyalik Lamin Yamal so'nggi jarohatlaridan keyin reabilitatsiyadan o'tmoqda, ammo ular Jahon chempionatiga tayyor bo'lishlari kutilmoqda.

Klublar o'z futbolchilarini 25-maygacha milliy terma jamoalar ixtiyoriga berishlari shart. Shu kundan boshlab dam olish va tayyorgarlik davri boshlanadi.

Yakuniy tarkiblar 23-26 nafar futbolchidan iborat bo'lib, 1-iyungacha taqdim etilishi kerak. FIFA yakuniy ro'yxatlarni 2-iyun kuni e'lon qiladi.

Jarohat yoki kasallik tufayli yakuniy tarkibdagi futbolchini faqat dastlabki ro'yxatdagi o'yinchi bilan almashtirish mumkin. Bu jamoaning birinchi o'yinidan 24 soat oldin amalga oshirilishi kerak.

Turnir 11-iyundan 19-iyulgacha davom etadi. Guruh bosqichi, 1/32 final, 1/16 final, chorak final, yarim final, bronza medali uchun o'yin va finaldan iborat.

Source: www.aljazeera.com